اسلام آباد : ساہیوال واقعے کے بعدگاڑیوں پر پوسٹرز لگ گئے ، پوسٹرز میں” مجھے مت مارو! میں دہشت گرد نہیں ہوں” اور "میں ایک عام آد می اور پاکستانی ہوں فیملی کے ساتھ سفرکررہاہوں ” کی تحریر آویزاں ہیں۔
تفصیلات کے مطابق سانحہ ساہیوال میں سی ٹی ڈی کے مبینہ جعلی مقابلے میں ایک بے گناہ خاندان کی شہادت کے بعد سوشل میڈیا پر ایک مہم شروع ہوگئی اور لوگوں نے گاڑیوں پر مجھے مت مارو! میں دہشت گرد نہیں ہوں ” کے علامتی پوسٹرز لگا لئے۔
پوسٹر والی گاڑیوں کی فوٹیج سوشل میڈیا پر وائرل ہوگئی ہے۔
ٹوئٹر اور فیس بک صارفین کی جانب سے ایک گاڑی کی تصویر شیئر کی جارہی ہے، جس کے پیچھے ” پیاری سی ٹی ڈی / ایلیٹ فورس، میں ایک عام آد می اور پاکستانی ہوں اور فیملی کے ساتھ سفرکررہاہوں اور مجھے مت مارو ! میں دہشت گرد نہیں ہوں۔
After CTD Incident
We all Should right this on back Of Car#SahiwalKillings pic.twitter.com/K7aCAIQaBU— Adnan Malik (@AdnanMa31951066) January 20, 2019
Please 🙏#SahiwalKillings pic.twitter.com/T2DUQFVMxg
— Sehrish Kanwal🇵🇰 (@SehKanwal) January 20, 2019
ایک صارف کا کہنا ہے کہ شاید ساہیوال میں سی ٹی ڈی کے ہاتھوں خاندان کی شہادت کے بعد محفوظ رہنے کا یہ واحد طریقہ ہے۔
The only option to stay safe after #SahiwalEncounter, may be?#Sahiwal #SahiwalKillings pic.twitter.com/XxJ3xr87mx
— W. (@wajih4all) January 20, 2019
یاد رہے کہ ہفتے کے روز ر ساہیوال کے قریب سی ٹی ڈی کے مبینہ جعلی مقابلے میں ایک بچی اور خاتون سمیت 4 افراد مارے گئے تھے، عینی شاہدین کا کہنا تھا کہ کار سواروں نے نہ گولیاں چلائیں، نہ مزاحمت کی، گاڑی سے اسلحہ نہیں بلکہ کپڑوں کے بیگ ملے جبکہ سی ٹی ڈی نے ان لوگوں کو دہشت گرد قرار دیے تھے بعد ازاں کئی بار اپنا مؤقف تبدیل کیا۔
مزید پڑھیں : ساہیوال: مبینہ جعلی مقابلے میں دوخواتین سمیت 4 افراد ہلاک، بچہ زخمی
بعد ازاں ساہیوال واقعے پروزیراعظم نے نوٹس لیتے ہوئے وزیراعلیٰ پنجاب کو تحقیقات کرکے واقعے کے ذمے داروں کے خلاف سخت کارروائی کا حکم دیا جبکہ وزیراعظم کی ہدایت پر فائرنگ کرنے والے اہلکاروں کو حراست میں لے لیا گیا اور محکمہ داخلہ پنجاب نے تحقیقات کے لیے جے آئی ٹی بنا دی۔
وزیراعلیٰ پنجاب عثمان بزدار کا کہنا تھا کہ ساہیوال واقعے میں ملوث افراد کو مثال بنائیں گے، بچوں کی کفالت ریاست کے ذمہ ہوگی، انہیں تمام سہولیات فراہم کی جائے گی۔
