فیصل آباد میں مالکن سے تشدد سے جاں بحق ہونے والی کمسن گھریلو ملازمہ عائشہ کی پوسٹ مارٹم رپورٹ سامنے آگئی۔
اے آر وائی نیوز کے مطابق گزشتہ دنوں فیصل آباد کے علاقہ نعمت کالونی میں گیارہ سالہ گھریلو ملازمہ عائشہ مبینہ تشدد سے جاں بحق ہو گئی تھی، پولیس نے عائشہ کی مالکن سنیلہ سمیت دو افراد کو حراست میں لیا تھا، جاں بحق گھریلوملازمہ کی مالکن سنیلہ نجی تعلیمی ادارے میں ٹیچر ہے۔
تاہم اب پوسٹ مارٹم رپورٹ سامنے آگئی جس میں عائشہ پر بدترین تشدد سامنے آیا ہے۔
عائشہ کے جسم کے دس حصوں پر تشدد سے موت واقع ہوئی، گردن، پیشانی، کمر، کولہوں پر تشدد کے نشان پائے گئے ہیں۔
کمسن ملازمہ کی دائیں ران کے پیچھے، بائیں گھٹنے کے قریب ہڈی، پٹھوں پر تشدد کے نشانات موجود ہیں، دونوں بازوؤں، دونوں پاؤں پر تشدد کے نشان پائے گئئے، دائیں ران کے پیچھے، بائیں گھٹنے کے قریب ہڈی، پٹھوں پر تشدد کے نشانات ہیں۔
پوسٹ مارٹم رپورٹ میں عائشہ کے دونوں پاؤں کی انگلیوں پر بھی تشدد کے نشان پائے گے ہیں، جسم سے نمونے فرانزک سائنس لیبارٹری لاہور بھجوا دیے گئے ہیں۔
واضح رہے کہ عائشہ کی موت کا واقعہ جمعے کے روز پیش آیا تھا جبکہ پولیس نے مالکن سمیت تین افراد کو حراست میں لیا تھا۔
