تازہ ترین

کوئٹہ: تفتان جانیوالی بس سے اغوا کیے گئے 9 مسافر قتل

کوئٹہ:نوشکی کے قریب تفتان جانیوالی بس سے اغوا کیے...

بہاولنگر واقعے کی مشترکہ تحقیقات ہوں گی، آئی ایس پی آر

آئی ایس پی آر نے کہا ہے کہ بہاولنگر...

عیدالفطر پر وفاقی حکومت نے عوام کو خوشخبری سنا دی

اسلام آباد: عیدالفطر کے موقع پر وفاقی حکومت نے...

ایشیائی بینک نے پاکستان میں مہنگائی میں کمی کی پیشگوئی کر دی

ایشیائی ترقیاتی بینک نے پاکستان میں آئندہ مالی سال...

سنگدل شخص نے بیوی اور 7 بچوں کو قتل کر دیا

پنجاب کے علاقے مظفر گڑھ میں اجتماعی قتل کا...

افطار کیلیے خاص چٹ پٹا : کرسپی آلو بُوندے

ماہ رمضان میں روزہ کھولنے کا لطف ہی اس وقت دوبالا ہوتا ہے کہ جب دسترخوان پر نت نئی مزیدار اشیاء سجائی گئی ہوں جنہیں دیکھ کر بھوک مزید چمک جاتی ہے۔

لیکن مہنگائی کے اس عالم میں گھر کا بجٹ بنانا اور اسے مینج کرنا بہت مشکل ہورہا ہے ، آج ہم آپ کیلیے ایک ایسی چیز لائے ہیں جس کو بنانا بے حد آسان اور زیادہ لاگت بھی نہیں آتی۔

جی ہاں !! یہ ہیں آلو بوندے جو کم بجٹ میں تیار ہونے والی مزیدار چیز ہے اور کھانے والے بھی انگلیاں چاٹتے رہ جائیں گے۔

اجزاء

اسے تیار کرنے کیلئے جن اجزاء کی ضرورت ہے ان میں تین سے چار عدد ابلے ہوئے آلو ، ایک درمیانی چوپ کی ہوئی پیاز، دو کھانے کے چمچ تیل، ہلدی ایک چٹکی، دھنیا چوپ کیا ہوا، دو کھانے کے چمچ رائی، چوتھائی چائے کا چمچ زیرہ، چوتھائی کھانے کا چمچ ادرک پسا ہوا۔

اس کے علاوہ آدھا کھانے کا چمچ نمک ،حسب ذائقہ دو عدد کٹی ہوئی ہری مرچیں، آدھا چائے کا چمچ پسا ہوا دھنیا، ایک کھانے کا چمچ سونف، ایک چائے کا چمچ پسا ہوا گرم مصالحہ، دو کھانے کے چمچ لیموں کا رس اور چار سے پانچ عدد کڑی پتے شامل ہیں۔

کوٹنگ کے لیے

آدھا کپ بیسن، نمک حسب ذائقہ، پسی لال مرچ ایک چائے کا چمچ، ہلدی ایک چٹکی اور بیکنگ سوڈا آدھا چائے کا چمچ لیں۔

ترکیب

ابلے ہوئے آلوؤں کو پس لیں، ایک برتن میں تیل ڈال کر گرم کر لیں اب اس میں ادرک ڈال کر تیس سیکنڈ کے لئے بھون لیں۔

اب اس میں چوپ کی ہوئی پیاز، کڑی پتے اور کٹی ہوئی ہری مرچ ڈال کر فرائی کر لیں جب پیاز ہلکی براؤن ہوجائے تو اس میں ہلدی گرم مصالحہ، دھنیا پاوڈر اور سونف ڈال دیں۔

اب آنچ بند کر دیں پسے ہوئے آلو کو بھی اس آمیزے میں شامل کر دیں، انہیں اچھی طرح مکس کر کے، اس پر لیموں کا رس اور دھنیا چھڑک دیں۔ اسے ٹھنڈا ہونے دیں اور 3 سے 6 گول بالز کی شکل میں کباب بنالیں۔

ایک پیالے میں بیسن، نمک ،پسی لال مرچ ،بیکنگ سوڈا کو ڈال کر تھوڑا تھورا پانی ڈال ایک ایسا پیسٹ با لیں ،جو نہ زیادہ پتلا ہو اور نہ گاڑھا ۔

ایک کڑاہی میں تیل کو گرم کر کے اس میں ایک ایک بال کو بیسن میں ڈبو کر ڈال کر تلتی جائیں اور براؤن ہونے پر ایک ڈش میں نکالتی جائیں۔ اس طرح سارے بالز تل لیں اور افطاری میں کیچپ اور ہری چٹنی کے ساتھ پیش کریں۔

Comments

- Advertisement -