پولٹری ایسوسی ایشن نے انتظامیہ کی جاری کردہ ریٹ لسٹ کو مسترد کردیا، مرغی کے گوشت کی قیمت تاریخی سطح پر چلی گئی۔
تفصیلات کے مطابق لاہور میں پولٹری ایسوسی ایشن اپنی من مانی پر اتر آئی اور عوام کو مہنگے ترین نرخوں پر مرغی کا گوشت بیچا جارہا ہے۔ انتظامیہ کی ریٹ لسٹ کو ماننے سے پولٹری ایسوسی ایشن نے قطعی طور پر انکار کردیا ہے۔
مرغی کی قیمتوں کو پر لگ گئے ہیں اور انتظامیہ کا کنٹرول ختم ہوکر رہ گیا ہے۔ لاہور کے مختلف علاقوں میں مرغی کا گوشت 602 روپے کلو تک میں بک رہا ہے۔
اس کے علاوہ انڈوں کے نرخ بھی تاریخ کی بلند ترین سطح پر جاپہنچے ہیں اور یہ 384 روپے فی درجن میں فروخت کیے جارہے ہیں۔
پولٹری ایسوسی ایشن نے طلب میں اضافے کا بہانہ بنا کر مرغی کے گوشت اور انڈے کی قیمت بڑھادی ہے اور حکومتی لسٹ کو سرے سے مسترد کردیا ہے۔
Comments
- Advertisement -
