اسلام آباد : ترجمان پاور ڈویژن کا یکم جولائی سے بجلی کی قیمت میں25 فیصد اضافے کے حوالے سے اہم بیان سامنے آگیا۔
تفصیلات کے مطابق ترجمان پاورڈویژن نے یکم جولائی سے بجلی قیمت میں 25 فیصد اضافے کی خبر کی تردید کرتے ہوئے کہا کہ خبر درست نہیں۔
ترجمان کا کہنا تھا کہ بجلی کی قیمت میں کمی یا اضافے کا تعین نیپرا باقاعدہ سماعت کے بعد کرتا ہے اور 25 فیصد اضافے کی کوئی بھی پٹیشن نیپرا میں زیر سماعت نہیں۔
یاد رہے یہ خبریں گردش کر رہی تھیں کہ یکم جولائی سے بجلی کے بنیادی نرخ میں 25 فیصد اضافے کی تجویز ہے، جس کے تحت یکم جولائی سے بجلی 7روپے 12 پیسے فی یونٹ مہنگی ہونے کا امکان ہے۔
ذرائع کے مطابق بجلی کا گردشی قرض پھر بڑھ کر 2 ہزار 396 ارب روپے ہوگیا ، گردشی قرض ادائیگی کیلئے بینکوں سے 1252 ارب روپے قرضہ لیا جائے گا۔
بجلی استعمال پر ڈیٹ سروس سرچارج بھی عائد کئے جانے کا امکان ہے، ڈیٹ سروس سرچارج آئندہ 6 سال بجلی صارفین سے وصول ہوگا ، 10فیصد ڈیٹ سروس سرچارج ماہانہ بجلی بل میں لگ کر آئے گا۔
