سیالکوٹ: پی پی 52 ضمنی انتخاب کے دوران نقص امن کا باعث بننے پر پی ٹی آئی کے 271 کارکنوں کےخلاف مقدمہ درج کرلیاگیا۔
پاکستان تحریک انصاف کے کارکنان کے خلاف ایس ایچ او تھانہ سمبڑیال کی مدعیت میں مقدمہ درج کیا گیا، مقدمے میں پولیس پارٹی پر حملہ، اقدام قتل و دیگر دفعات شامل کی گئی ہیں، ملزمان نے پولنگ اسٹیشن 63 پر پولنگ عملے کو یرغمال بنانے کی کوشش کی۔
پی پی 52 سیالکوٹ میں ضمنی انتخاب کے لیے ووٹنگ جاری
ایف آئی آر کے متن میں مزید بتایا گیا کہ ملزمان نے پولیس پر اسٹریٹ فائرنگ کی، اس کے ساتھ ساتھ سرکاری گاڑی کو نقصان بھی پہنچایا گیا۔
درج مقدمے کے متن میں کہا گیا کہ کارکنان کے اقدام سے علاقےمیں خوف و ہراس پھیلا، ایف آئی آر میں 21 نامزد، 250 نامعلوم افراد کو شامل کیا گیا ہے۔
پی پی 52 سیالکوٹ : مسلم لیگ ن نے میدان مار لیا، غیرسرکاری نتائج
