لاہور: مسلم لیگ ن اور پیپلزپارٹی نے وزیراعلیٰ پنجاب چوہدری پرویز الٰہی کے خلاف تحریک عدم اعتماد اسمبلی میں جمع کروادی ہے۔
اے آر وائی نیوز کے مطابق وزیر اعلیٰ پنجاب چوہدری پرویز الٰہی کے خلاف تحریک عدم اعتماد جمع کروانے کے لیے ن لیگ اور پیپلزپارٹی کے ارکان پنجاب اسمبلی پہنچے۔
ن لیگی رہنما خواجہ نذیر نے اے آر وائی نیوز سے گفتگو کرتے ہوئے کہا کہ پرویز الٰہی ، اسپیکر اور ڈپٹی اسپیکر پنجاب اسمبلی کے خلاف تحریک اعتماد کی تحریک جمع کروادی گئی ہے۔
’اسپیکر اور ڈپٹی اسپیکر پنجاب اسمبلی کے خلاف بھی تحریک اعتماد جمع کروادی گئی ‘
خواجہ نذیر نے کہا کہ ’اسپیکر اور ڈپٹی اسپیکر پنجاب اسمبلی کے خلاف تحریک اعتماد جمع کروائی گئی ہے۔
ن لیگ کے رکن اسمبلی نے کہا کہ ’پنجاب کے عوام کے لیے اچھا سرپرائز دیں گے، تحریک عدم اعتماد کو سیکریٹری اسمبلی نے وصول کرلیا ہے۔
انہوں نے کہا کہ سیکریٹری اسمبلی کو قانون کے مطابق تحریک اعتماد جمع کروائی گی ہے جبکہ نمبرز پورے ہونے کے بعد تحریک جمع کروانے کا فیصلہ کیا ہے۔
ن لیگ نے گورنر سیکریٹریٹ سے وزیراعلیٰ کو اعتماد کا ووٹ لینے کے لیے رابطہ کرلیا
علاوہ ازیں ن لیگ کے رہنما خلیل طاہر سندھو تصدیق کی کہ گورنر سیکریٹریٹ سے وزیراعلیٰ کو اعتماد کا ووٹ لینے کے لیے رابطہ کرلیا گیا ہے، گورنر ہاؤس میں اعتماد کے ووٹ کے لیے درخواست جمع کروائی گئی ہے۔
انہوں نے کہا کہ تحریک اعتماد کے ساتھ وزیراعلیٰ کو اعتماد کے ووٹ کا کہا جائے گا۔
