The news is by your side.

Advertisement

پاکستان پیپلز پارٹی کے صوبائی صدر علی مدد جتک نا اہل قرار

کوئٹہ : بلوچستان ہائی کورٹ نے پاکستان پیپلز پارٹی کے صوبائی صدر علی مدد جتک کو انتخابات کے لئے نااہل قرار دے دیا جبکہ ڈیرہ بگٹی سے صوبائی اسمبلی کی نشست پر نواب میر عالی بگٹی کو انتخابات لڑنے کی اجازت مل گئی۔

تفصیلات کے مطابق بلوچستان ہائی کورٹ میں جسٹس نعیم اختر افغان اور جسٹس نذیر لانگو پر مشتمل بنچ نے اپیلٹ ٹربیونل کے فیصلے کے خلاف پیپلزپارٹی کے صوبائی صدر علی مدد جتک کی اپیل کی سماعت کی۔

جسٹس نعیم اختر افغان اور جسٹس نذیر لانگو پر مشتمل ڈویژنل بینچ نے فیصلہ سناتے ہوئے علی مدد جتک کو انتخابات کے لئے نااہل قرار دیا اور متعلقہ ریٹرننگ آفیسر اور اپیلیٹ بینچ کے فیصلوں کو برقرار رکھا۔

پیپلزپارٹی بلوچستان کے صدر علی مدد جتک نے صوبائی اسمبلی کی نشست پی بی اکتیس کوئٹہ آٹھ پرکاغذات نامزدگی جمع کروائے تھے، جو متعلقہ ریٹرننگ آفیسر اور اپیلیٹ ٹریبونل نے مسترد کردتے ہوئے نااہل قرار دیا تھا۔

جس کے بعد علی مدد جتک نے نا اہلی کے فیصلے کے خلاف بلوچستان ہائی کورٹ سے رجوع کیا تھا، وہ پی بی اکتیس کوئٹہ سے پیپلزپارٹی کے امیدوار تھے۔

دوسری جانب بلوچستان ہائی کورٹ نے پی بی دس ڈیرہ بگٹی سے نواب اکبر خان بگٹی کے پوتے نواب میر عالی بگٹی کو انتخاب لڑنے کی اجازت دے دی۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں