اسلام آباد: وزیر اعظم شہباز شریف کے نئی مردم شماری کے تحت الیکشن کرانے کے اعلان پر پیپلز پارٹی ناراض ہوگئی۔
تفصیلات کے مطابق پیپلزپارٹی ذرائع کا بتانا ہے کہ وزیر اعظم کے بیان سے الیکشن وقت پر نہ ہونے کا خدشہ پیدا ہوتا ہے، سندھ حکومت اور عوام کو نئی مردم شماری پر خدشات ہیں۔
’نئی مردم شماری کے تحت ہی انتخابات میں جائیں گے‘
پیپلزپارٹی ذرائع کا کہنا ہے کہ وزیراعلیٰ سندھ مراد علی شاہ کے خط کو سنا نہیں گیا، ہم ہر صورت وقت پر الیکشن چاہتے ہیں، نئی مردم شماری کو اب تک سی سی آئی نے منظور نہیں کیا، سی سی آئی منظوری کے بعد بھی آئینی ترمیم آرٹیکل 51 تھری کے تحت درکار ہوگی۔
پی پی ذرائع کا کہنا ہے کہ پیپلزپارٹی کی قانونی ٹیم نے رائے دی ہے کہ نئی مردم شماری پر الیکشن ہوئے تو نئی حلقہ بندیاں ہوں گی جس میں وقت لگے گا، نئی مردم شماری پر الیکشن کرایا گیا تو کم از کم 6 ماہ نئی حلقہ بندیوں میں لگیں گے۔
