بدھ, مئی 22, 2024
اشتہار

ن لیگ کی جو بھی پالیسی ہو لیکن پیپلزپارٹی حکومت کی ایکسٹینشن نہیں چاہتی، سینیٹر تاج حیدر

اشتہار

حیرت انگیز

لاہور: پیپلزپارٹی کےالیکشن سیل کےانچارج سینیٹر تاج حیدر کا کہنا ہے کہ انتخابات وقت پر ہوں گے، ن لیگ کی جو بھی پالیسی ہو لیکن پیپلزپارٹی حکومت کی ایکسٹینشن نہیں چاہتی۔

تفصیلات کے مطابق پیپلزپارٹی کےالیکشن سیل کےانچارج سینیٹر تاج حیدر نے اےآروائی نیوز کو انٹرویو دیتے ہوئے کہا کہ ہم تو ہمیشہ الیکشن کےلیے لڑے ہیں انتخابات کیوں نہیں ہوں گے۔

تاج حیدر کا کہنا تھا کہ باتیں کرنے والے باتیں کرتے رہیں گے یہ وہی ہیں جو تبدیلی نہیں مارشل لا چاہتےہیں، جوعوامی طاقتیں ہیں وہ انتخابات ہی چاہتی ہیں اس لیے وقت پر الیکشنز ہونے چاہیے۔

- Advertisement -

ن لیگ کے حوالے سے سوال پر پیپلزپارٹی کےالیکشن سیل کے انچارج نے کہا کہ ن لیگ کی جو بھی پالیسی ہو لیکن پیپلزپارٹی کیوں حکومت کی ایکسٹینشن چاہے گی ، اگر ن لیگ ایکسٹینشن کی طرف جائے گی تو ان کی پارٹی کے اندر بھی مسئلہ ہوگا۔

ان کا کہنا تھا کہ پارٹیاں عوامی حمایت پر چلتی ہیں اور اگر اس کے بغیرکچھ کریں گے توان کا حال بھی پی ٹی آئی والا ہوگا۔

تاج حیدر نے بتایا کہ پیپلزپارٹی نے آئندہ عام انتخابات کےلیے منشور تیار کرلیا، ہمارےمنشورمیں مفاہمت، معاشی بحالی، سوشل سیکٹر، دہشت گردی کاخاتمہ شامل ہیں۔

انھوں نے مزید کہا کہ تقسیم کو ختم کرنا ہمارا منشورہے، الیکشن ہوگئے بس اب سب ایک ہیں،پہلےبھی ہماری مفاہمت پر تنقید ہوئی لیکن اسی کی وجہ سےہم نےاٹھارویں ترمیم پاس کی۔

پی ٹی آئی پر پابندی کے سوال پر پی پی رہنما کا کہنا تھا کہ سیاسی جماعت پر پابندی کے حق میں نہیں، پارٹی کےعسکری ونگ اور سیاسی ونگ کو علیحدہ رکھیں، سدہشت گردوں سےتو ہم بات نہیں کرتے ، سیاسی ونگ سےبات کرتےہیں تو سیاسی استحکام آتا ہے۔

Comments

اہم ترین

نعیم اشرف بٹ
نعیم اشرف بٹ
نعیم اشرف بٹ اے آر وائی نیوز کے تحقیقاتی صحافت کے ڈپارٹمنٹ کے سربراہ ہیں

مزید خبریں