اسلام آباد : پی ڈی ایم کے سربراہ مولانافضل الرحمان آج سابق صدر آصف زرداری سے ملاقات میں پی ڈی ایم میں دوبارہ شمولیت کی دعوت دیں گے۔
تفصیلات کے مطابق حکومت کو گھر بھیجنے کے مشن پر اپوزیشن کی ملاقاتیں جاری ہے ، پی ڈی ایم کے سربراہ مولانافضل الرحمان کی سابق صدر آصف زرداری سے آج ملاقات ہوگی۔
ذرائع کا کہنا ہے کہ ملاقات میں سیاسی صورتحال،تحریک عدم اعتمادسےمتعلق گفتگوہوگی اور فضل الرحمان،آصف زرداری کوپی ڈی ایم میں دوبارہ شمولیت کی دعوت دیں گے۔
گزشتہ رات پی ڈی ایم اسٹیئرنگ کمیٹی اجلاس میں پی پی اور اےاین پی نےنمائندگی کی ، جس مین اے این پی نے پی ڈی ایم لانگ مارچ میں شرکت کااعلان کردیاتھا جبکہ پی پی نے بھی پی ڈی ایم لانگ مارچ میں شرکت کیلئے گرین سگنل دیا۔
خیال رہے پی ڈی ایم جماعتیں پی پی کےڈی چوک پرجلسےمیں شریک ہوئی تھیں جبکہ حکومتی اتحادیوں کی جانب سےبھی آئندہ 24 گھنٹےمیں بڑااعلان متوقع ہیں۔
گذشتہ روز مولانافضل الرحمان نے کہا تھا کہ 23 مارچ کو ملک بھر سے قافلے 23 کے بجائے25مارچ کو اسلام آبادمیں داخل ہوں گے، اوآئی سی اجلاس کےلیےآئےمہمان ہمارے لیے معزز ہیں اس لیے انہیں کسی قسم کی مشکلات نہیں ہونی چاہیے۔
مولانافضل الرحمان کا کہنا تھا کہ آصف زرداری کوکل دعوت دینےکیلئےجاؤں گا، ہماراحکومت کے جلسے سے کوئی مقابلہ نہیں ہے، ہم کئی ماہ پہلے ہی 23 مارچ کی تاریخ کا اعلان کر چکے تھے۔
