اسلام آباد : پیپلز پارٹی نے آج قومی اسمبلی بجٹ اجلاس میں علامتی شرکت کا فیصلہ کرتے ہوئے چار ایم این ایز نامزد کر دیئے۔
تفصیلات کے مطابق پیپلز پارٹی نے آج کے بجٹ اجلاس کے حوالے سے حکمت عملی تیار کرلی۔
ذرائع نے بتایا کہ پی پی نے قومی اسمبلی بجٹ اجلاس میں علامتی شرکت کا فیصلہ کرلیا اور قومی اسمبلی اجلاس کیلئے چار ایم این ایز نامزد کر دیئے ہیں۔
ذرائع کا کہنا ہے کہ پی پی کے چار اراکین آج اسمبلی اجلاس میں شرکت کریں گے، آغا رفیع اللہ، قادر پٹیل، شبیر بجارانی اور اسد نیازی شریک ہوں گے۔
ذرائع نے کہا کہ پی پی کے ایم این ایز کو اسلام آباد میں موجود رہنے کی ہدایات جاری کی گئی ہے۔
بجٹ اجلاس میں مکمل شرکت کا فیصلہ وزیراعظم سے ملاقات سے مشروط کردیا گیا ہے ، وزیراعظم سے نتیجہ خیز ملاقات پر پی پی بجٹ اجلاس میں مکمل شرکت کرے گی۔
پیپلزپارٹی نے بجٹ تقریر کے روز قومی اسمبلی اجلاس میں علامتی شرکت کی تھی۔
