کراچی: اورنگی ٹاؤن میں پیپلز پارٹی کے یوسی چیئرمین عامر بھٹو کے قتل کا مقدمہ درج کرلیا گیا۔
تفصیلات کے مطابق کراچی کے علاقے اورنگی میں پیپلز پارٹی کے یو سی چیئرمین کے قتل کا مقدمہ مقتول کے والدکی مدعیت میں درج کرلیا گیا۔
مقدمے میں قتل، اور انسداددہشت گردی کی دفعات شامل کی گئیں ہیں ، مدعی نے کہا اس کے بیٹے کو نامعلوم وجوہات اور رنجش کی بنا پر گھر کے قریب کیمپ آفس کے اندر فائرنگ کر کے قتل کیا گیا، قتل میں موٹرسائیکل سوار تین ملزمان ملوث ہیں۔
یاد رہے گذشتہ روز کراچی کے علاقے اورنگی گلشن ضیا میں فائرنگ کر کے پیپلزپارٹی کے یو سی چیئرمین کو قتل کر دیا گیا تھا۔
ذرائع نے بتایا تھا کہ حملہ آور درخواست کے ہمراہ سائل بن کر یو سی آفس آیا، ایک ساتھی موٹر سائیکل پر دفتر کے باہر موجود تھا، حملہ آور نے درخواست عامر بھٹو کو دی، جس پر یو سی چیئرمین نے کمرے میں موجود ملازم کو سائل کیلئے پانی لانے کا کہا ، ملازم کمرےسے جیسےباہرگیاحملہ آورنےفائرنگ کردی۔
پولیس کے مطابق موٹرسائیکل سوار دو ملزمان نے آکر اندھا دھند فائرنگ کی، وقوع سے چھ سے زائد گولیوں کے خول ملے ہیں۔
