The news is by your side.

سیاسی صورتحال اور اہم تعیناتی کا معاملہ : پیپلزپارٹی اسلام آباد میں اعلی سطح پر مشاورت کرے گی

اسلام آباد : پیپلزپارٹی اسلام آباد میں سیاسی صورتحال اور اہم تعیناتی کے معاملے سے متعلق اعلی سطح پر مشاورت کرے گی۔

تفصیلات کے مطابق سیاسی صورتحال اور اہم تعیناتی کے معاملے پر پیپلزپارٹی اسلام آباد میں اعلی سطح پر مشاورت کرے گی۔

چیئرمین پی پی بلاول بھٹوخصوصی طیارے سے کراچی سے اسلام آباد روانہ ہوگئے ہیں، بلاول بھٹو زرداری اسلام آباد میں اہم مشاورت کاحصہ بنیں گے۔

سابق صدرآصف زرداری پہلےہی اسلام آبادمیں موجودہیں جبکہ پارٹی کے سینئررہنماؤں کو بھی مشاورت کیلئے زرداری ہاؤس اسلام آباد بلالیا ہے۔

اس دوران مصطفی نواز کھوکھر کی سینیٹ کی خالی نشست پر بھی مشاورت ہوگی۔

گذشتہ روز پیپلزپارٹی کے شریک چیئرمین سابق صدرآصف علی زرداری کراچی سے بذریعہ جہاز اسلام آباد پہنچے تھے۔

آصف زرداری نئے آرمی چیف کی تعیناتی کے حوالے سے اہم مشاورت کا حصہ ہوں گے، سابق صدر اتحادی جماعتوں سربراہان سے حتمی مشاورت بھی کرینگے۔

ذرائع کے مطابق وزیر اعظم شہباز شریف کی جانب سے اہم تعیناتی کے مسئلے پر ان کی رائے طلب کی گئی تھی، واضح رہے کہ آصف زرداری نے طبیعت خرابی کے باعث سیاسی سرگرمیاں کئی ماہ سے ترک کی ہوئی تھیں

Comments

یہ بھی پڑھیں