The news is by your side.

Advertisement

سچ دکھانے پر پی پی کارکنان‌ کا اے آر وائی نیوز پر حملہ، شہباز گل کا اظہار مذمت

اسکردو: گلگت شہر میں پاکستان پیپلزپارٹی کے جیالوں نے اے آر وائی کی ٹیم پر حملہ کردیا۔

اے آر وائی نیوز کے پروگرام سوال یہ ہے کی میزبان ماریہ میمن نے تصدیق کی کہ گلگت میں براہ راست شو کے دوران پاکستان پیپلزپارٹی کے کارکنان نے حملہ کیا۔

انہوں نے بتایا کہ جیالوں نے اے آر وائی کی نشریات روکنے کی کوشش کی ٹیم کے ممبران کو ہراساں کیا اور انہیں دھکے بھی دیے۔

ماریہ میمن نے سوال اٹھایا کہ ’آخر ہم کب مخالف نظریات کو تہذیب اور شائستگی کے ساتھ برداشت کرنا سیکھیں گے؟۔’

دوسری جانب وزیراعظم کے معاونِ خصوصی برائے سیاسی ابلاغ شہباز گل نے اے آر وائی نیوز کی ٹیم پر ہونے والے حملے کی شدید الفاظ میں مذمت کی۔

اپنے ٹویٹ میں اُن کا کہنا تھا کہ ’پیپلزپارٹی کارکنوں کی گھٹیا حرکت کی سخت مذمت کرتےہیں،اتھارٹیز کو ایسے شدت پسند عناصر کے خلاف سخت کارروائی کرنی چاہیے، اے آر وائی ہو یا کوئی اور چینل ان کوآزادی سےاپنی صحافت کرنےدیں‘۔

Comments

یہ بھی پڑھیں