کراچی: چیئرمین پیپلزپارٹی بلاول بھٹو کی جانب سے او آئی سی اجلاس روکنے کی دھمکی پر پیپلزپارٹی کی وضاحت آگئی۔
اے آر وائی نیوز کے مطابق چیئرمین پیپلزپارٹی بلاول بھٹو کے ترجمان ذوالفقار علی بدر نے سماجی رابطے کی ویب سائٹ ٹویٹر پر وضاحت دیتے ہوئے لکھا کہ بلاول بھٹو او آئی سی کے خلاف نہیں بلکہ اس کی آڑ میں تحریک عدم اعتماد سے حکومت کے فرار کے خلاف ہیں۔
انہوں نے لکھا کہ او آئی سی میں نئی روخ پھونکنے والی جماعت پیپلزپارٹی ہے، بلاول بھٹو کے نانا ذوالفقار بھٹو نے اسلامی تعاون تنظیم کو پہچان دی تھی۔
چیئرمین بلاول بھٹو زرداری او آئی سی کے خلاف نہیں بلکہ او آئی سی کی آڑ میں تحریک عدم اعتماد سے حکومت کے فرار کے خلاف ہیں، ذوالفقار علی بدر
او آئی سی میں نئی روح پھونکنے والی جماعت پاکستان پیپلزپارٹی ہے، بلاول بھٹو کے نانا نے تنظیم تعاون اسلامی کو پہچان دی، ذوالفقار علی بدر
— PPP (@MediaCellPPP) March 19, 2022
ترجمان بلاول بھٹو نے لکھا کہ اسپیکر قومی اسمبلی اسد قیصر نے اگر او آئی سی جلاس کی آڑ میں عدم اعتماد کی تحریک کو التوا کا شکار کیا تو ردعمل آئے گا۔
مزید پڑھیں: بلاول بھٹو نے او آئی سی اجلاس روکنے کی دھمکی دے دی
واضح رہے کہ اس سے قبل بلاول بھٹو زرداری نے او آئی سی کانفرنس روکنے کی دھمکی دی تھی۔
ان کا کہنا تھا کہ اگر اجلاس میں عدم اعتماد پیش نہ کرنے دی گئی تو دھرنا دیں گے، اپوزیشن جماعتوں کو دھرنے کی تجویز دیتا ہوں، اپنا حق لینے تک اسمبلی میں بیٹھے رہیں گے۔
چیئرمین پیپلزپارٹی کا کہنا تھا کہ ہم انتطار کررہے تھے کہ اوآئی سی پرامن طریقے سے گزرجائے، پورا ملک چاہتا ہے کہ عزت کے ساتھ او آئی سی ہو لیکن اگر اجلاس میں عدم اعتماد پیش نہ کرنے دی گئی تو دھرنا دیں گے۔
بلاول بھٹو کا کہنا تھا کہ اسپیکر اسد قیصر پی ٹی آئی کا اسپیکر نہ بنے ملک کا سوچے، اسپیکرآئین، پارلیمان کے رولز توڑنے کو تیار ہے۔ ہم اپنے مؤقف سے پیچھے ہٹے ہیں نہ ہٹیں گے۔
