کہتے ہیں کہ کھانے کے ساتھ ساتھ برتن بھی خوبصورت ہوں تو کھانے کا مزہ دوبالا ہوجاتا ہے، ہمارے دسترخوانوں کی زینت میلا مائن کے برتن کیسے بنائے جاتے ہیں؟ اس حوالے سے خصوصی رپورٹ ملاحظہ کیجیے۔
اے آر وائی نیوز کی نمائندہ روحہ فاطمہ کی رپورٹ کے مطابق کراچی کے علاقے شیر شاہ میں قائم فیکٹری میں میلامائن کے برتنوں کو نت نئے ڈیزائنوں کے ساتھ تیار کیا جاتا ہے۔
کار خانے کے مالک نے اے آر وائی نیوز کو بتایا کہ پہلے مشین کے سانچے میں کمپاؤنڈ ڈال کر پیس کلے اوپر پرنٹ رکھ اسے پریس کیا جاتا ہے اور پھر گلیس لگائی جاتی ہے۔
کاریگر کا کہنا ہے کہ ہر برتن کی باری باری تراش خراش کی جاتی ہے۔ انہوں نے بتایا کہ ایک منٹ میں ایک پلیٹ تیار ہوجاتی ہے۔
شہر قائد میں کانچ کے برتنوں کے ساتھ میلامائن کے برتنوں کی طلب میں بھی نمایاں اضافہ ہورہا ہے، گھر ہو یا دفتر، شادی ہو یا کوئی ریسٹورنٹ سب جگہ میلا مائن کے برتنوں نے اپنی اہمیت کو اجاگر کیا ہے۔
