اسلام آباد: صدر مملکت ڈاکٹر عارف علوی نے اٹارنی جنرل پر عدم اعتماد کا اظہار کردیا۔
اے آر وائی نیوز کے مطابق صدر مملکت ڈاکٹر عارف علوی نے اٹارنی جنرل پر عدم اعتماد کا اظہار کرتے ہوئے سلمان اکرم راجہ کو اپنا ذاتی وکیل مقرر کردیا ہے۔
عارف علوی کے سیکریٹری نے عدالت میں بیان دیتے ہوئے کہا کہ صدر مملکت اٹارنی جنرل کے بجائے سلمان اکرم راجہ کو صدر کی جانب سے دلائل دینے کی اجازت دی جائے۔
- Advertisement -
چیف جسٹس نے سلمان اکرم راجہ کو صدر عارف علوی کی جانب سے پیش ہونے کی اجازت دے دی۔
ذرائع کا بتانا ہے کہ کل عدالت میں اٹارنی جنرل وفاقی حکومت کی نمائندگی کریں گے جبکہ صدر مملکت کی جانب سے سلمان اکرم راجہ ان کا موقف عدالت میں پیش کریں گے۔
