پیر, مئی 20, 2024
اشتہار

صدر عارف علوی پولیس لائنز گیسٹ ہاؤس میں عمران خان سے ملنے پہنچ گئے

اشتہار

حیرت انگیز

اسلام آباد: صدر مملکت ڈاکٹر عارف علوی عمران خان سے ملاقات کے لیے پولیس لائنز کے گیسٹ ہاؤس پہنچے ہیں۔

اے آر وائی نیوز کے مطابق چیئرمین پی ٹی آئی عمران خان سے صدر مملکت ڈاکٹر عارف علوی سے ملاقات جاری ہے، ذرائع کا بتانا ہے کہ ملاقات میں موجودہ سیاسی صورتحال پر تبادلہ خیال کیا جائے گا۔

واضح رہے کہ سپریم کورٹ نے عمران خان کو رہا کرکے انہیں آج رات کے لیے پولیس لائنز گیسٹ ہاؤس میں رکھنے کا حکم دیا ہے۔ سپریم کورٹ نے آج رات عمران خان کو اپنے اہل خانہ کے ساتھ رہنے کی اجازت دی ہے۔

- Advertisement -

سپریم کورٹ میں عمران خان کی گرفتاری کو گزشتہ روز چیلنج کیا گیا تھا۔

آج دوران سماعت فیصلہ سناتے ہوئے چیف جسٹس کا کہنا تھا کہ عمران خان اس وقت سپریم کورٹ کی تحویل میں ہیں، عمران خان پولیس لائنزگیسٹ ہاؤس میں رہیں گے، عمران خان سے دس افراد کو ملنے کی اجازت ہوگی، عمران خان سے ملنے والوں میں ان کے اہل خانہ ، وکلاء اور دوست شامل ہوں گے۔

عدالت نے عمران خان کو اپنےقریبی افرادکی لسٹ فراہم کرنےکی ہدایت بھی کی تھی ۔یاد رہے کہ سپریم کورٹ کے حکم پر عمران خان آج دوبارہ اسلام آباد ہائیکورٹ پہنچیں گے۔

Comments

اہم ترین

مزید خبریں