راولپنڈی: صدر مملکت ڈاکٹر عارف علوی کا کہنا ہے کہ دفاعی پیداوار کی صلاحیتوں کے حوالے سے ایچ آئی ٹی کا کردار قابل تحسین ہے۔
پاک فوج کے شعبہ تعلقات عامہ (آئی ایس پی آر) کے مطابق صدر مملکت ڈاکٹر عارف علوی نے ہیوی انڈسٹریز ٹیکسلا کا دورہ کیا اس موقع پر ان کا استقبال چیئرمین لیفٹیننٹ جنرل سید عامر رضا نے کیا۔
ترجمان پاک فوج کا کہنا ہے کہ صدر مملکت کو ایچ آئی ٹی کی استعداد کار، ریسرچ منصوبوں پر بریفنگ دی گئی۔
آئی ایس پی آر کا کہنا ہے کہ صدر مملکت نے مختلف فیکٹریوں کا دورہ اور جاری منصوبوں کا مشاہدہ بھی کیا، عارف علوی نے فوجی گاڑیوں، ٹینک اور بلٹ پروفنگ کے عمل کو سراہا۔
صدر مملکت نے کہا کہ فوجی گاڑیوں، مختلف نظام میں خود انحصاری کے لیے ایچ آئی ٹی کی کوششیں قابل تعریف ہیں، عارف علوی نے مزید کہا کہ دفاعی پیداوار کی صلاحیتوں سے متعلق ایچ آئی ٹی کا کردار قابل تعریف ہے۔
