لاہور : صدر مملکت عارف علوی نے چیئرمین پی ٹی آئی عمران خان سے ایک دن میں دو ملاقاتیں کیں ،جس میں پنجاب اور کے پی میں الیکشن کی تاریخ نہ دینے پر اظہار تشویش کیا گیا۔
تفصیلات کے مطابق گزشتہ روز صدر عارف علوی لاہور پہنچے، جہاں انھوں نے چیئرمین تحریک انصاف عمران خان سے زمان پارک میں ان کی رہائشگاہ پر ملاقات کی۔
بعد ازاں چند گھنٹوں بعد صدر عارف علوی ایک بار پھر زمان پارک پہنچے اور سابق وزیر اعظم عمران خان سے ملاقات کی۔
دونوں نے ملاقات میں موجودہ سیاسی صورتحال پر تبادلہ خیال کیا جبکہ پنجاب اور کےپی میں گورنرز کی طرف سے الیکشن کی تاریخ نہ دینے پر اظہار تشویش کیا۔
صدر عارف علوی اور عمران خان کی ملاقات چالیس منٹ تک جاری رہی اور ملاقات کے بعد صدرعارف علوی زمان پارک سے روانہ ہوگئے۔
صدر مملکت گورنر ہاؤس میں قیام پزیر ہے، آج ورچوئل یونیورسٹی کانووکیشن میں شرکت کریں گے۔
گذشتہ روز پاکستان تحریک انصاف کے چیئرمین و سابق وزیر اعظم عمران خان کا کہنا تھا کہ میری آواز کیوں بند کرنے کی کوشش کی جا رہی ہے، مجھے کوئی خوف نہیں اگر جیل میں ڈالنا ہے تو ڈال دیں۔
