ترکیہ کے صدر رجب طیب اردوان نے تباہ کن زلزلوں کے بعد ریسکیو آپریشن تاخیر سے شروع کرنے پر عوام سے معافی مانگ لی۔
ترک میڈیا کے مطابق صدر اردوان زلزلے سے متاثرہ علاقے ادیامان پہنچ گئے جہاں انہوں نے متاثرین سے ملاقاتیں کیں اور صورتحال کا جائزہ لیتے ہوئے بحالی کے کاموں کو تیز کرنے کی ہدایت کی۔
انہوں نے کہا کہ سخت موسمی حالات کی وجہ سے ادمایان میں ریسکیو آپریشن بروقت شروع نہیں کر سکے جس پر وہ معذرت خواہ ہیں۔
صدر اردوان کا کہنا تھا کہ اپنی ملت سے وعدہ کرتا ہوں کہ ایک سال کے اندر اندر زلزلے کے زخموں پر مرھم رکھیں گے اور متاثرین کو بہترین اور پہلے سے اچھی رہائش فراہم کریں گے۔
انہوں نے کہا کہ ضلع ادمایان میں 50 ہزار مکانات تعمیر کریں گے ہر منہدم عمارت کی جگہ نئی خوبصورت اور محفوظ عمارت تعمیر کریں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں