The news is by your side.

Advertisement

صدر اردوان نے تُرک ویکسین کا نام تبدیل کر دیا

ترک صدر رجب طیب ایردوان نے مقامی طور پر تیار کردہ کورونا ویکسین کا نام تبدیل کر کے ‏ترکوویک رکھ دیا۔

ترک میڈیا کے مطابق مقامی طور پر تیار کردہ کورونا ویکسین کا نام ایرکوف – وی اے سی کو تبدیل ‏کر کے ترکوویک رکھ دیا گیا ہے۔

نام کی تبدیلی ترک صدر رجب طیب اردوان نے اس وقت خود کی جب انہوں نے ویکسین کے ‏تیسرے مرحلے کے ٹرائلز میں آن لائن شرکت کر کے تجزیہ کیا۔

ابتدائی دو ٹرائلز کامیابی سے مکمل کرنے والی ترکوویک ویکسین اب جانچ کے آخری مرحلے میں ‏ہے جس کا آغاز ہو چکا ہے اور اب تک ہزاروں افراد رضاکارانہ طور پر ان ٹرائلز میں شمولیت کے ‏لیے رجسٹریشن کروا چکے ہیں۔

ترک صدر نے نے کہا کہ ترکی کورونا وبا سے بچاؤ کے لیے اپنی ویکسین بنانے میں کامیاب ہوا ہے۔ ان کا کہنا تھا کہ ترکی کے لیے اپنی ویکسین کا ہونا نہایت اہم ہے ملک اور قوم کو کورونا وبا کے ‏نقصانات سے بچانے کے لیے جتنا جلد ممکن ہو سکے، ترکو ویکسین کا مارکیٹ میں آنا ضروری ہے۔ ‏اسی سے عوام کو وبا اور مشکلات سے بچایا جا سکے گا۔

ترکوویک ویکسین کے استعمال کا آغاز انقرہ سٹی اسپتال سے کیا گیا ہے اور اس کا دائرہ کار وسیع ‏کیا جائے گا۔یہ ویکسین قیصری ایرجیس یونیورسٹی اور وزارت صحت کے تعاون سے تیار کی گئی ‏ہے۔

Comments

یہ بھی پڑھیں