اسلام آباد: صدرممنون حسین نے اسماعیلی کمیونٹی کےروحانی پیشوا پرنس کریم آغاخان سے ملاقات کی اور آغا خان کی عالمی امن و استحکام اور ہم آہنگی کے لیے خدمات کوسراہا۔

تفصیلات کے مطابق صدرممنون حسین سے پرنس کریم آغاخان کی انکے وفد کے ہمراہ ملاقات ہوئی ، ملاقات میں وزیرمملکت فضل چوہدری،سیکریٹری خارجہ اوراعلی حکام شریک ہوئے۔

صدرمملکت نےپاکستان میں آغاخان فاؤنڈیشن کی خدمات کی تعریف کرتے ہوئے کہا کہ آغاخان عالمی امن واستحکام کیلئےگرانقدرخدمات انجام دے رہے ہیں، ثقافتی ورثے کی حفاظت کےحوالے سے آغا خان فاؤنڈیشن نےشاندارخدمات انجام دیں۔

اس موقع پر اسماعیلی کمیونٹی کےروحانی پیشوا پرنس کریم آغا خان نے کہا کہ تعلیمی، طبی اور دیہی ترقی میں خدمات میں اضافہ کیا جائے گا، غربت کے خاتمے کیلئے مزید پروگرام شروع کیے جائیں گے۔

یاد رہے کہ اسماعیلی کمیونٹی کے روحانی پیشواپرنس کریم آغا خان کی پاکستان آمد پر خواجہ آصف اورطارق فضل چوہدری نے ان کا استقبال کیا۔

پرنس کریم آغا خان حکومت کی دعوت پر پاکستان کا دورہ کر رہے ہیں۔

ترجمان دفترخارجہ کا کہنا ہے کہ پرنس کریم آغا خان کی امن کیلئے گرانقدرخدمات ہیں، پرنس کریم آغا خان صدر ، وزیراعظم شاہدخاقان سے ملاقاتیں کریں گے۔

وزیراعظم شاہدخاقان پرنس کریم آغاخان کے اعزاز میں ظہرانہ بھی دیں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔