صدر مملکت کا اختیارات کا ناجائز استعمال ، پی آئی اے کو لاکھوں روپے کا ٹیکا لگادیا
The news is by your side.

Advertisement

صدر مملکت کا اختیارات کا ناجائز استعمال ، پی آئی اے کو لاکھوں روپے کا ٹیکا لگادیا

  اسلام آباد : صدر مملکت ممنون حسین نے جاتے جاتے اختیارات کا ناجائز استعمال کرکے مبینہ طور پر پی آئی اے کو لاکھوں روپے کا ٹیکا لگا دیا. دوران پرواز  خود تو بزنس کلاس کے مزے  لوٹے ساتھ ہی  رشتے داروں کو بھی مزے کرائے۔

تفصیلات کے مطابق صدر مملکت حکومت کی جانب سے وی آئی پی کلچر کے خلاف اقدامات کے باوجود پروٹوکول کے مزے لیتے رہے، لندن سے 29 اگست کو اسلام آباد کے لئے روانہ ہوئے، دوران پرواز بزنس کلاس کے مزے خود تو لوٹے ساتھ میں رشتے داروں کو بھی اکنامی کلاس سے بزنس کلاس میں بلوالیا۔

صدر مملکت کیساتھ سفر کرنے والوں کے پاس اکنامی کلاس کے ٹکٹس تھے۔

زرائع کے مطابق لندن میں پی آئی اے کے اسٹیشن مینجر ساجد اللہ نے خلاف قانون صدر مملکت کو پروٹوکول فراہم کیا۔ ساجد اللہ سینٹر مشاہد اللہ کے بھائی ہیں۔

اسٹیشن مینجر کیجانب سے خاص ہدایت جاری کی گئیں کہ صدر مملکت کے مہمانوں کو بھی پروٹوکول دیا جائے۔

کپتان نے اکنامی کلاس کے مسافروں کو بزنس کلاس میں سفر کرانے کیخلاف ڈی بریف رپورٹ مینجنٹ کو دے دی، رپورٹ میں کہا گیا ہے کہ ہمیں صدر مملکت کو اور ان کے مہمانوں کو دئیے جانے والے پروٹوکول کے متعلق آگاہ نہیں کیا گیا۔

رپورٹ کے مطابق کیبن کریو نے صدر مملکت کی ہدایت پر 5 مہمانوں کو اکنامی کلاس کے مسافروں کو بزنس کلاس میں منتقل کیا۔

یاد رہے وزیراعظم عمران خان کئی بار پروٹوکول پر ناراضگی کا اظہار کر چکے ہیں، ان کا کہنا تھا کہ کہ نہ میں خود پروٹوکول لوں گا نہ دوسروں کو لینے دوں گا جبکہ وزرا کو بھی پروٹوکول نہ لینے کی ہدایت کی تھی۔

Comments

comments

یہ بھی پڑھیں