اسلام آباد: صدر مملکت ڈاکٹر عارف علوی نے ٹک ٹاک کی دنیا میں قدم رکھ دیا، جس کی تصدیق اُن کے ترجمان نے خود کی ہے۔
ترجمان کی جانب سے جاری کیے گئے اعلامیے میں بتایا گیا ہے کہ ’صدر پاکستان اب ٹک ٹاک پر موجود ہوں گے، جہاں اُن کے مثبت اور حوصلہ افزائی سے متعلق پیغامات شیئر کیے جائیں گے‘۔
صدارتی ہاؤس کے ترجمان نے بتایا کہ صدر پاکستان کے پیغامات بالخصوص پاکستانی نوجوانوں کے لیے ٹک ٹاک پر شیئر کیے جائیں گے، جن کے ذریعے صارفین کو متاثر کن ویڈیوز بنانے پر آمادہ کیا جائے گا‘۔
ٹک ٹاک پر صدر پاکستان کا اکاؤنٹ PresOfPakistan@ کے نام سے ہے، جس کو تمام شہری فالو کرسکتے ہیں۔
@presofpakistan#Pakistan #DreamerOfPakistan #ArifAlvi #PresidentOfPakistan #PresidentPakistan #MotivationalVideo #DrArifAlvi
حیران کن طور پر حال ہی میں سندھ ہائی کورٹ نے ٹک ٹاک بند کرنے کا حکم دیا تھا، جس پر عمل کرتے ہوئے پاکستان ٹیلی کمیونیکیشن اتھارٹی نے اس ایپ کی سروسز پاکستان میں بند کردیں تھیں، بعد ازاں انتظامیہ نے شکایات دور کیں تو ایپ کو دوبارہ بحال کردیا گیا۔
The President of Pakistan is now on TikTok!
To spread the message of positivity & motivation for the youth of Pakistan, we will keep pushing inspiring videos for the TikTok users.
Follow https://t.co/G78TG3VtAx on TikTok
&
Watch our first video now 👇https://t.co/b3c2SXricr pic.twitter.com/LYe1QaQvHE— The President of Pakistan (@PresOfPakistan) July 16, 2021
یاد رہے کہ ڈاکٹر عارف علوی سماجی رابطے کی ویب سائٹ ٹویٹر پر اپنا علیحدہ اکاؤنٹ بھی آپریٹ کرتے ہیں، جبکہ بطور صدر پاکستان اُن کے ٹویٹر، انسٹاگرام پر اکاؤنٹ موجود ہیں جبکہ فیس بک پر آفیشل پیج بھی موجود ہے۔
