آج پاکستان سمیت دنیا بھر میں یوم یکجہتی کشمیر منایا جا رہا ہے صدر مملکت عارف علوی، وزیراعظم شہباز شریف اور وزیر خارجہ بلاول بھٹو نے پیغامات جاری کیے ہیں۔
اے آر وائی نیوز کے مطابق یوم یکجہتی کشمیر کے موقع پر صدر مملکت ڈاکٹر عارف علوی نے اپنے پیغام میں کہا ہے کہ پاکستانی قوم کشمیریوں کی جدوجہد آزا دی میں ان کے ساتھ کھڑی ہے۔
انہوں نے کہا کہ کشمیری عوام کے ناقابلِ تنسیخ حق خودا رادیت کے حصول اور ان کی جائز ومنصفانہ جدوجہد کیلیے پاکستان غیر متزلزل حمایت کرتا رہے گا۔
وزیراعظم شہباز شریف نے اپنے ٹوئٹر پیغام میں کہا کہ ہم کشمیریوں کی جدوجہد میں اپنی غیرمتزلزل حمایت کے عزم کی تجدید کرتےہیں۔ ہر پاکستانی کشمیری بھائیوں اور بہنوں کے ساتھ کندھے سے کندھا ملا کرکھڑا ہے۔
شہباز شریف نے مزید کہا کہ جموں وکشمیر کا تنازع اقوام متحدہ کے ایجنڈے پر حل طلب مسائل میں سے ایک ہے۔ بھارت نے 75 سال سے جموں وکشمیر پر اپنا ناجائز قبضہ جاری رکھا ہوا ہے اور کشمیری عوام کے حقوق پامال کر رکھے ہیں۔
Today the whole of Pakistan comes together to express its unflinching solidarity & support to Kashmiri brothers & sisters, who remain undeterred by the oppressive Indian occupation apparatus in the struggle for UN-sanctioned right to self-determination. 1/2
— Shehbaz Sharif (@CMShehbaz) February 5, 2023
وزیرخارجہ بلاول بھٹوکایوم یکجہتی کشمیرکےموقع پر اپنے خصوصی پیغام میں کہا کہ پاکستانی عوام کشمیری بھائیوں اور بہنوں کی قربانیوں کو سلام پیش کرتے ہیں، جو 75 سال سے وحشیانہ بھارتی جبر کا سامنا کر رہے ہیں۔
بلاول بھٹو نے ٹوئٹر پر جاری اپنے ویڈیو بیان میں کہا کہ آج مقبوضہ کشمیر دنیا کے سب سے زیادہ فوجی علاقوں میں سے ایک ہے جہاں 9 لاکھ سے زائد قابض بھاری فوج تعینات ہے اور کمشیری مسلسل خوف کی حالت میں زندگی بسر کر رہے ہیں۔
وزیر خارجہ بلاول بھٹو زرداری @BBhuttoZardari کا یوم یکجہتی کشمیر (۵ فروری ۲۰۲۳)کے موقع پر پیغام۔ (اردو ورژن)
#kashmirSolidartyDay pic.twitter.com/xaWVZBC2HP
— Spokesperson 🇵🇰 MoFA (@ForeignOfficePk) February 4, 2023
یہ بھی پڑھیں: عسکری قیادت کا کشمیریوں کے حق خود ارادیت کی جدوجہد کی مکمل حمایت کا عزم
وزیر خارجہ نے مطالبہ کیا کہ بھارت کو کشمیر پر تسلط کے لیے کیے گئے اقدامات واپس لینے چاہئیں۔