اسلام آباد:صدر مملکت آصف زرداری کو پارک لین اور توشہ خانہ ریفرنس میں صدارتی استثنیٰ مل گیا۔
تفصیلات کے مطابق صدر آصف علی زرداری کیخلاف پارک لین اور توشہ خانہ گاڑیوں کے ریفرنس کی سماعت ہوئی۔
احتساب عدالت نے صدر آصف زرداری کیخلاف ریفرنسزکی سماعت روک دی ، جج ناصرجاوید نےنیب کیسزمیں صدارتی استثنیٰ کی درخواستوں پرفیصلہ جاری کیا۔
جس میں کہا گیا کہ صدر زرداری جب تک صدر ہیں ان کے خلاف کیسز کی کارروائی آگےنہیں بڑھ سکتی ، ان کی جانب سےآئین کےآرٹیکل248ٹوکےتحت درخواست دائرکی گئی۔
فیصلے میں کہنا تھا کہ جس میں مؤقف اختیار کیا گیا صدر زرداری جب تک صدر ہیں کیسزکی کرمنل کارروائی جاری نہیں رہ سکتی ، پراسکیوشن کی جانب سےدرخواستوں پر کوئی اعتراض نہیں کیا گیا اور نہ ہی مخالفت کی گئی۔
عدالت نے کہا کہ آرٹیکل 248 ٹو کے تحت صدر کیخلاف کوئی کیس ہوسکتا ہےنہ کارروائی جاری رہ سکتی ہے، صدر زرداری کی صدارتی استثنیٰ حاصل کرنے کی درخواستیں منظور کی جاتی ہیں۔
