The news is by your side.

Advertisement

حکومتی کٹس پر مفت ٹیسٹ کر رہے ہیں: آغا خان اسپتال

کراچی: آغا خان اسپتال میں کرونا وائرس سے متعلق پریس کانفرنس میں ڈاکٹرز نے کہا ہے کہ اسپتال میں کرونا وائرس کے آنے سے پہلے ہی تیاری کر لی گئی تھی، عالمی وبا کو روکنے کے لیے حکومت کے ساتھ مل کر کام کر رہے ہیں۔

اے آر وائی نیوز کے مطابق ڈین آغا خان اسپتال عادل حیدر نے پریس کانفرنس میں کہا کہ ہم نے اسکریننگ کا عمل شروع کر دیا ہے، اسپتال کا ایک حصہ کرونا وائرس سے متعلق مختص کر دیا ہے اور وزیٹرز پر پابندی عائد کر دی گئی ہے۔

انھوں نے کہا کہ ہم نے وفاقی اور صوبائی سطح پر کام کیا ہے اور کر رہے ہیں، کرونا وائرس کو روکنے کے لیے ہمارے ڈاکٹرز بیرون ملک کے ڈاکٹرز کے ساتھ مل کر کام کر رہے ہیں، ایک ایمرجنسی کمانڈ سینٹر بھی بنایا گیا ہے، کرونا کا پہلا مریض آغا خان اسپتال آیا تھا جو اب صحت یاب ہو کر گھر جا چکا ہے۔

کرونا وائرس: کل صبح ساڑھے 10 بجے ایوان صدر میں دعا ہوگی

پریس کانفرنس میں ڈاکٹرز کا کہنا تھا کہ کرونا وائرس کے سلسلے میں کچھ ٹیلی کلینکس بھی شروع کر دی گئی ہیں، حکومت نے کرونا وائرس کے لیے اسپتال مختص کیے ہیں، سی ای او آغا خان اسپتال شگفتہ حسن نے کہا کہ ہمیں بھی حکومت نے ٹیسٹ کٹس دی ہیں لیکن وہ محدود تعداد میں ہیں، حکومت کے ریفرنس سے آنے والوں کے فری میں ٹیسٹ کیے جا رہے ہیں۔

خیال رہے کہ سندھ میں کرونا وائرس کے مریضوں کی مجموعی تعداد 88 ہو گئی ہے، وزیر اعلیٰ سندھ مراد علی شاہ نے میڈیا سے گفتگو میں تصدیق کی کہ کراچی میں 27، سکھر میں اس وقت کرونا وائرس کے 61 کیسز ہیں۔

fb-share-icon0
Tweet 20

Comments

comments

یہ بھی پڑھیں