بھارت میں قتل کی ایک اور سنسنی خیز واردات پیش آگئی جہاں ایک پجاری نے خاتون کو قتل کر کے اس کی لاش مین ہول میں پھینک دی۔
مقامی میڈیا کے مطابق قتل کا واقعہ حیدر آباد میں پیش آیا۔ ملزم سائی کرشنا ایک مندر کا پجاری ہے جس کے اپسرا نامی خاتون کے ساتھ ناجائز تعلقات تھے۔
مقتولہ اکثر سائی کرشنا پر شادی کیلیے دباؤ ڈالتی تھی لیکن وہ ہر دفعہ کوئی نا کوئی بہانہ کر کے اس کی بات ٹال دیتا تھا۔ چند روز قبل اپسرا نے پجاری سے اس بات پر جھگڑا کیا۔
سائی کرشنا مقتولہ کو کار میں بیٹھ کر سنسان مقام پر لے گیا جہاں دونوں کے درمیان پھر سے جھگڑا ہوا۔ پجاری نے اپسرا کے سر پر پتھر مار کر اس کا قتل کر دیا جبکہ لاش سرکاری کالج کے مین ہول میں پھینک دی۔
بعد ازاں وہ پولیس کے پاس پہنچا اور بتایا کہ اپسرا میری قریبی رشتہ دار ہے جو کافی دیر سے کہیں نظر نہیں آ رہی ہے۔
پولیس نے سی سی ٹی وی فوٹیج کی مدد سے قاتل کا پتا لگا لیا اور سائی کرشنا کو قتل کے الزام میں گرفتار کرلیا۔ پولیس نے مقتولہ کی لاش مین ہول سے نکال لیا۔
