The news is by your side.

Advertisement

وزیراعظم عمران خان کی شیخ محمد بن زید النہیان سے ملاقات ختم

اسلام آباد/دبئی : وزیر اعظم پاکستان عمران خان کی ابوظبی کے ولی عہد شیخ زید بن النہیان سے ون آن ون ملاقات میں دو طرفہ باہمی دلچسپی کے امور پر تبادلہ خیال کیا گیا۔

تفصیلات کے مطابق وزیراعظم عمران خان سالانہ ساتویں عالمی اجلاس ورلڈ گورنمنٹ سمٹ میں شرکت کے لیے ایک روزہ دورےپر متحدہ عرب امارات میں ہیں۔

ذرائع کا کہنا ہے کہ وزیر اعظم پاکستان اور شیخ زید بن النہیان کے درمیان ملاقات آدھا گھنٹہ جاری رہی، جس میں دوطرفہ تعلقات سمیت باہمی دلچسپی کےامورپرتبادلہ خیال کیا گیا جبکہ مختلف شعبوں میں تعاون کےفروغ سمیت اہم علاقائی اورعالمی امور بھی زیر غور آئے۔

وزیراعظم عمران خان کی دبئی کے حاکم شیخ محمد بن راشد المکتوم سے ون آن ون ملاقات ہوئی تھی جبکہ  متحدہ عرب امارات اور پاکستان کے وفود کی سطح پر مذاکرات ہوئے تھے۔

متحدہ عرب امارات پہنچنے پر ابوظبی کے ولی عہد شیخ محمد بن زید النہیان نے وزیر اعظم عمران خان کاشاندار استقبال کیا۔

وزیر اعظم عمران خان ایک روزہ دورے کے دوران متحدہ عرب امارات کی قیادت سے بھی ملاقات کریں گے، وزیراعظم کے ہمراہ وزیرخارجہ شاہ محمود قریشی، وزیر خزانہ اسد عمر، وزیربحری امور علی زیدی بھی ورلڈ گورنمنٹ سمٹ میں شرکت کریں گے۔

وزیراعظم آفس کے اعلامیے کے مطابق عمران خان شیخ محمد بن راشد المکتوم کی دعوت پرورلڈ گورنمنٹ سمٹ میں شرکت کر رہے ہیں اور اجلاس سے خطاب کریں گے۔

عمران خان آج’آئی ایم ایف چیف کرسٹینا ‘سے ملاقات کریں گے

وزیراعظم عمران خان اجلاس سے خطاب کے دوران مضبوط اور خوشحال پاکستان کے لیے اپنے وژن پر روشنی ڈالیں گے۔

واضح رہے کہ دبئی میں منعد عالمی سربراہ اجلاس 3 روز تک جاری رہے گا جس میں 140 ممالک سے چار ہزار سے زائد ممتاز شخصیار شریک ہیں۔

ورلڈ گورنمنٹ سمٹ اجلاس میں سربراہان مملکت اور 30 بین الاقوامی تنظیموں کے اعلیٰ حکام بھی شرکت کررہے ہیں۔

Comments

comments

یہ بھی پڑھیں