اسلام آباد: پاکستان سیاست میں تہلکہ مچانے والے پنڈورا پیپرز کی تحقیقات کے لئے وزیراعظم عمران خان نے بڑا اعلان کردیا ہے۔
ذرائع کے مطابق پنڈورا پیپرز میں وفاقی وزرا سمیت سات سو پاکستانیوں کے نام شامل ہونے پر وزیراعظم عمران خان نے تحقیقات سیل قائم کردیا ہے۔
ذرائع کا کہنا ہے کہ تحقیقاتی سیل کی سربراہی وزیراعظم عمران خان خود کریں گے جبکہ تحقیقاتی سیل کی معاونت ایف آئی اے، نیب،ایف بی آر کرےگی، پنڈورا پیپرز میں کمپنیوں کےقانونی ہونے یا نہ ہونےکی تحقیقات ہوں گی، سیل کمپنیوں کےسرمائےکی قانونی حیثیت کی انکوائری کرےگا۔
دوسری جانب وفاقی وزیر اطلاعات فواد چوہدری نے وزیراعظم عمران خان کی سربراہی میں قائم ہونے والے تحیقاتی سیل کی تصدیق کرتے ہوئے کہا کہ پڈورا پیپرز تحقیقات کیلئے وزیراعظم نےاعلیٰ سطح کاسیل قائم کردیا ہے، سیل پنڈورا لیکس میں شامل تمام افراد سےجواب طلبی کرےگا اور پنڈوراپیپرز کےحقائق قوم کےسامنےرکھےجائیں گے۔
پنڈورا لیکس کی تحقیقات کیلئے وزیر اعظم پاکستان نے وزیر اعظم انسپکشن کمیشن کے تحت ایک اعلیٰ سطحی سیل قائم کیا ہے یہ سیل پنڈورا لیکس میں شامل تمام افراد سے جواب طلبی کرے گا اور حقائق قوم کے سامنے رکھیں جائینگے #PandoraLeaks
— Ch Fawad Hussain (@fawadchaudhry) October 4, 2021
و زیراعظم عمران خان کی جانب سے یہ اعلان پارٹی ترجمانوں کا اجلاس میں کیا گیا، اہم ترین اجلاس میں وفاقی وزرا اور پارٹی سینئر قیادت نے شرکت کی۔
یہ بھی پڑھیں: ’پنڈورا پیپرز کا خیرمقدم! اشرافیہ کی ناجائز دولت بےنقاب ہو گئی‘
اجلاس میں وزرا اور اٹارنی جنرل پر مشتمل کمیٹی نے وزیراعظم کو پینڈورا لیکس کی ابتدائی رپورٹ پیش کیں، اجلاس میں پنڈورا پیپرزمیں شامل شہریوں کیخلاف تحقیقات کیلئےتجاویز پر غور کیا گیا جبکہ کامیاب پاکستان پروگرام سے متعلق بھی بریفنگ دی گئی۔
یاد رہے کہ گذشتہ روز وزیراعظم عمران خان نے دنیا بھر میں تہلکہ مچانے والے ’پنڈوراپیپرز‘ کا خیرمقدم کرتے ہوئے اعلان کیا تھا کہ حکومت پنڈورا پیپرز میں آنے والے تمام پاکستانیوں کی تحقیقات کر کے ان کے خلاف ایکشن لے گی۔
وزیراعظم کا کہنا تھا کہ 20سال کی جدوجہداسی یقین پرہےکہ کرپشن سےکئی ممالک غریب ہیں، غریب ممالک کے عوام پرپیسہ خرچ ہونے کے بجائےآف شور میں جاتاہے کرپشن کی وجہ سےغریب ملکوں کی کرنسی بےقدر ہو چکی ہے غربت کی وجہ سےغریب ممالک میں ہزاروں لوگ ناحق جان سےجاتےہیں۔
