مدینہ منورہ: سعودی عرب کے دوسرے مرحلے میں وزیراعظم عمران خان وزیراعظم عمران خان مدینہ منورہ پہنچ گئے۔
تفصیلات کے مطابق وزیراعظم جدہ سے مدینہ منورہ پہنچے، وزیراعظم کے ہمراہ آٹھ ارکان کا وفد بھی موجود ہیں، وفد میں وزیرخارجہ شاہ محمود قریشی، وزیر داخلہ شیخ رشید، سینیٹر فیصل جاوید، گورنر کے پی شاہ فرمان، گورنر سندھ عمران اسماعیل اور صوبائی وزیر خوراک پنجاب علیم خان بھی شامل ہیں۔
وزیراعظم عمران خان نے مدینہ منورہ میں جوتوں کے بغیر قدم رکھا، وزیراعظم عمران خان مدینہ منورہ میں روضہ رسول ﷺپر حاضری دیں گے۔
اس سے قبل وزیراعظم عمران خان 3روزہ دورے پر سعودی عرب پہنچے تو سعودی عرب کے ولی عہدشہزادہ محمدبن سلمان نے وزیراعظم کا پرتپاک استقبال کیا ، جس کے بعد عمران خان جدہ ایئرپورٹ سےشاہی دیوان کے لئے روانہ ہوئے، اس موقع پر ان کے ہمراہ آرمی چیف جنرل قمرجاویدباجوہ،شاہ محمودقریشی،شیخ رشید ہمراہ تھے۔
یہ بھی پڑھیں: وزیراعظم کا دورہ سعودی عرب ، سعودی پاکستان سپریم کوآرڈینیشن کونسل کے قیام سے متعلق معاہدہ طے پا گیا
شاہی دیوان پہنچنےپرسعودی ولی عہدشہزادہ محمدبن سلمان نےوزیراعظم کادوبارہ استقبال کیا، وزیراعظم کے اعزاز میں سعودی ولی عہد محمد بن سلمان کی جانب سے عشائیہ دیا گیا،عشائیے سےپہلے شاہی دیوان میں دونوں رہنماؤں میں ون آن ون ملاقات ہوئی۔
جس کے بعد دونوں ممالک کے درمیان متعددمعاہدوں اورمفاہمتی یادداشتوں پردستخط کئے گئے، سعودی پاکستان سپریم کوآرڈینیشن کونسل کے قیام سےمتعلق معاہدہ طےپاگیا جبکہ دونوں ممالک میں سزا یافتہ مجرمان کے تبادلے کے حوالے سے معاہدے پر دستخط ہوئے۔
