وزیراعظم عمران خان نے عالمی عدالتوں میں زیر سماعت مقدمات کے التوا کا نوٹس لیتے ہوئے زیرسماعت مقدمات کی تفصیلات طلب کرلیں۔
تفصیلات کے مطابق وفاقی کابینہ کے اجلاس میں عالمی عدالتوں میں زیرسماعت مقدمات کا معاملہ زیر بحث آیا، ارکان نے اظہار تشویش کرتے ہوئے کہا کہ پاکستان عالمی سطح پرمقدمات کیوں ہار رہا ہے؟
وفاقی وزیر برائے انسانی حقوق شیریں مزاری اور وزیر ٹیکنالوجی فواد چوہدری نے کہا کہ پاکستان زیر التوا کیسز پر خطیررقم خرچ کرچکا، وکلاکوبھاری ادائیگی کے باوجود ہم کیسز نہیں جیت پائے۔
وزیراعظم نے معاملے کا نوٹس لیتے ہوئے کہا کہ کون سےکیسز زیر التوا ہیں، ان کی نمائندگی کن وکلا کے پاس ہے؟ ریکارڈ دیا جائے اور بتایا جائےیہ کیسز کس دور میں ہوئے، وکلا کو کتنی ادائیگی ہوچکی؟
ذرائع کا کہنا ہے کہ بانی متحدہ کےکیسز پر اب تک 13 کروڑ روپے خرچ ہو چکےہیں، پچھلے 5سے7سال میں پاکستان 300 ملین ڈالرز ادا کر چکا ہے۔
