برمھنگم : شہزاداہ ہیری اور میگن مرکل نے 5گھنٹے 45منٹ میں 3.2ملین فالوورز بناکرانسٹاگرام کی تاریخ کا ورلڈ ریکارڈ قائم کر ڈالا جبکہ وہ خود صرف تیئس افراد کو فالو کررہے ہیں۔
تفصیلات کے مطابق شہزاداہ ہیری اور میگن مرکل کی شہرت عروج پر ہیں، دو اپریل کو سماجی رابطوں کی ویب سائٹ انسٹاگرام پر اکاؤنٹ بنانے کے صرف پانچ گھنٹے پینتالیس منٹ میں تین اعشاریہ دو ملین فالورز بن گئے، جو انسٹاگرام کی تاریخ کا ریکارڈ ہے۔
تاہم وہ خود صرف تیئس افراد کو فالو کررہے ہیں۔
اس سے قبل یہ اعزاز کوریا کے پوپ سنگر کینگ ڈینیل کے پاس تھا ، جنہوں نے 11 گھٹنے میں ایک ملین فالوووز بنائےتھے۔
خیال رہے شاہی جوڑے کے ہاں اپریل کے آخر یا مئی کے آغاز میں پہلے بچے کی پیدائش توقع ہے۔
واضح رہے کہ رواں برس 19 مئی کو برطانوی شاہی خاندان کے چھوٹے شہزادے ہیری اور امریکی اداکارہ میگھن مرکل رشتہ ازدواج میں منسلک ہوئے تھے، دونوں کی شادی کو سال کی سب سے بڑی شادی قرار دیا گیا تھا۔
شہزادہ ہیری اور میگھن مرکل کی شادی کو جدید و قدیم روایات کا حسین امتزاج قرار دیا گیا تھا، ان کی شادی کی تقریب دیکھنے کے لیے ایک لاکھ سے زائد افراد موجود تھے جبکہ شادی کی تقریبات کو دنیا بھر میں براہ راست کروڑوں لوگوں نے دیکھا تھا۔
