یروشیلم: برطانوی شہزادے ولیم نے مقبوضہ بیت المقدس میں مسجد اقصی کا دورہ کیا اورمسلمان علماء سے ملاقات کی۔
تفصیلات کے مطابق پرنس ولیم شاہی خاندان کے پہلے فرد ہیں جو سرکاری دورے پر فلسطین کے سرکاری دورے پر پہنچے، مغربی کنارے راملہ میں اُن کا شاندار استقبال کیا گیا۔
پرنس ولیم بیت المقدس میں موجود مسجد اقصیٰ گئے اور وہاں مسلمان علماء سے ملاقات کی، علاوہ ازیں آپ نے شہر کی تاریخی، ثقافتی اور بلدیہ ارکان کے ساتھ بازار کا دورہ بھی کیا۔
برطانوی شہزادے کو میزبانوں کی جانب سے کھانے میں عربی پکوڑے اور کچوری پیش کی گئی جو انہوں نے خوب سیر ہو کر کھائی، ایک موقع پر صحافیوں نے امریکی سفارت خانے کی منتقلی پر حکومتی مؤقف جاننے کے لیے سوال کیا تو پرنس ولیم نے جواب دینے سے انکار کرتے ہوئے کہا کہ ’میں شاہی خاندان کا نمائندہ ہوں برطانوی حکومت کا نہیں‘۔
شہزادے نے پناہ گزینوں کے کیمپ اور وہاں موجود اسکول کا بھی دورہ کیا جہاں انہوں نے طالبات سے بہت دیر تک گفتگو بھی کی۔
