کراچی: محکمہ جیل خانہ جات میں کرپٹ سسٹم کے خلاف گھیرا تنگ کر دیا گیا جبکہ احتساب کی بازگشت سن کر کرپٹ سسٹم کے آلاکار بھاگنے لگے۔
اے آر وائی نیوز کے مطابق گریڈ 16 کے بااثر افسر سنیل حسین شاہ نے 90 روز کی رخصت لے لی جس کے بعد شیراز حیدر کو آئی جی جیل خانہ جات کا پی ایس او مقرر کرنے کا آرڈر جاری کر دیا گیا۔
سنیل حسین شاہ کے خلاف بداعنوانی اور خلاف ضابطہ تقرری کے الزامات ہیں۔ ان کے خلاف نیب اور دیگر اداروں میں انکوائریز چل رہی ہیں جبکہ ان کو ایک ہی وقت میں کئی عہدوں کے چارج دیے گئے۔
سنیل حسین شاہ آئی جی سندھ کے پی ایس او کے علاوہ ترجمان صوبائی وزیر جیل خانہ جات بھی رہے۔ وہ ہیڈ آف اکاونٹس آئی جی جیل خانہ جات کے عہدوں پر براجمان رہے۔
دوران ملازمت سنیل حسین شاہ آئی جی جیل خانہ جات کے تمام مالی معاملات بھی دیکھتے تھے۔
Comments
- Advertisement -
