ممبئی: بھارتی میڈیا نے دعویٰ کیا ہے کہ اکشے کمار 260 کروڑ روپے مالیت کے ایک پرائیویٹ جیٹ کے مالک ہیں، تاہم اکشے کمار نے ان خبروں کی تردید کر دی ہے۔
تفصیلات کے مطابق بھارتی میڈیا کی جانب سے دعویٰ کیا گیا ہے کہ اکشے کمار ایک نجی طیارے کے مالک ہیں جس کی مالیت 260 کروڑ بھارتی روپے ہے، دوسری طرف اداکار نے ٹوئٹ کر کے اس خبر کی تردید کی ہے۔
اکشے کمار نے ٹوئٹ میں اسکرین شاٹ لے کر لکھا کہ کچھ لوگ ابھی تک خود کو بڑا نہیں کر سکے، میرے متعلق شائع ہونے والی یہ خبر بالکل جھوٹ ہے۔
اکشے کمار کے اس ٹوئٹ کو ان کے مداحوں نے ری ٹوئٹ کیا، جس میں ایک صارف نے لکھا کہ ’ارے سر ایسے کون بے نقاب کرتا ہے، طویل عرصے بعد آپ کا جارحانہ مزاج دیکھ کر اچھا لگا۔‘
Liar, Liar…pants on fire! Heard this in childhood? Well, some people have clearly not grown up, and I’m just not in a mood to let them get away with it. Write baseless lies about me, and I’ll call it out. Here, a Pants on Fire (POF) gem for you. 👇#POFbyAK pic.twitter.com/TMIEhdV3f6
— Akshay Kumar (@akshaykumar) October 16, 2022
جب کہ ایک اور ٹوئٹر صارف نے ہیرا پھیری فلم کا ایک مشہور میم شیئر کیا، اور لکھا ’جلی نا… تیری جلی نا‘۔
واضح رہے کہ اکشے کمار اپنی نئی فلم رام سیتو کی ریلیز کا انتظار کر رہے ہیں، جس میں جیکولین فرنینڈس، نصرت بھروچا، ناصر اور ستیہ دیو کنچرانہ شامل ہیں، ان کی یہ فلم دیوالی کے موقع پر ریلیز کی جائے گی۔ 2022 میں ان کی فلمیں سمراٹ پرتھوی راج، بچن پانڈے، کٹھ پتلی، اور رکشا بندھن ریلیز ہو چکی ہیں، اور ان میں سے کوئی بھی باکس آفس پر دھوم مچانے کے قابل نہیں رہی۔
