نگران حکومت نے پی آئی اے کی نجکاری کا عمل ہنگامی بنیادوں پر شروع کرنے کا فیصلہ کر لیا۔
پی آئی اے کے سنگین مالی بحران پر نگراں وزیراعظم کی زیرصدارت متعلق اجلاس کا احوال سامنے آگیا۔ نگران وفاقی حکومت نے پی آئی اے کو مزید فنڈز دینے سے انکار کر دیا۔
اجلاس میں پی آئی اے کی نجکاری کا عمل ہنگامی بنیادوں پر شروع کرنے کا فیصلہ کیا گیا ہے جس کے لیے نگران وزیر اعظم نے نجکاری کمیشن کو پی آئی اے نجکاری سے متعلق گرین سگنل دیدیا۔
پی آئی اے کو مصنوعی سانسیں دے کر ’زندہ‘ رکھنے کی سرتوڑ کوششیں
ذرائع کے مطابق نجکاری کمیشن نے پی آئی اے کو فنڈز اجرا کی مخالفت کرتے ہوئے تجویز دی کہ فنڈز اجرا کے بجائے پی آئی اے کی نجکاری کا عمل تیز کیا جائے۔
سیکرٹری ہوا بازی نے کہا کہ پی آئی اے کی تشکیل نو کے لیے 8 سے 10ماہ درکار ہوں گے آپریشن چلانےکےلیے پی آئی اے کو فنڈز کا اجرا کیا جائے۔
نگران وزیراعظم نے نجکاری کمیشن کے موقف کی حمایت کردی کرتے ہوئے وفاقی وزیر نجکاری کو خصوصی ہدایات جاری کر دیں۔ نگران وزیراعظم نے پی آئی اے نجکاری کا عمل ہنگامی بنیادوں پر مکمل کرنےکی ہدایت کی۔
