منافع خوروں نے تمام پھلوں کے ریٹ ڈبل کردیئے، جس کے بعد افطار میں فروٹ چاٹ کی تیاری جیب پر بہت بھاری پڑنے لگی ہے، کیلا، امرود ، خربوزہ پہنچ سے باہر ہوگیا ہے۔
تفصیلات کے مطابق رمضان المبارک کی آمد کیساتھ ہی مہنگائی مافیا سرگرم ہوگیا ہے، منافع خوروں نے دیگر اشیاء کی طرح پھلوں کی قیمتوں میں بھی خود ساختہ اضافہ کرکے شہریوں کے ہوش اڑا دیئے ہیں۔
چند روز قبل تک تین سو روپے فی کلو کے حساب سے فروخت ہونے والے سیب کی قیمت چار سو روپے فی کلو تک پہنچ چکی ہے جبکہ امرود 180 روپے فی کلو، سٹرابری 500 روپے فی کلو، کیلا 200 روپے فی درجن ، کینو 220 روپے فی کلو، خربوزہ 200 روپے فی کلو کے حساب سے فروخت ہورہے ہیں۔
اسی طرح جس پھل کو بھی ہاتھ لگائیں اسکی قیمت سینکڑوں روپے میں ہے، پھلوں کی قیمتوں میں کئی گنا اضافے پر شہری پریشان دکھائی دیتے ہیں۔
شہری مہنگائی مافیا کے ہاتھوں لٹ رہے ہیں لیکن انتظامیہ خاموش تماشائی بنی ہوئی ہے۔
