لاہور: پنجاب میں کھیلوں کی ایسوسی ایشنز کے لیے سالانہ گرانٹس کے اجرا کی منظوری دے دی گئی۔
تفصیلات کے مطابق وزیراعلیٰ پنجاب عثمان بزدار کا کہنا ہے کہ اسپورٹس ایسوسی ایشنز کو گرانٹس شفاف طریقے سے جاری ہوں گے، گرانٹ شفاف طریقے سے ہی استعمال ہوں گی۔
انہوں نے کہا کہ کھلاڑیوں کی حوصلہ افزائی کے لیے اقدامات کریں گے، سابق دور کی طرح پک اینڈچوز نہیں میرٹ پر کھلاڑیوں کی حوصلہ افزائی کی جائے گی، پنجاب اولمپک محکمہ کھیل کے ساتھ مل کر اسپورٹس کیلنڈر مرتب کرے، کرونا کے باعث کھیلوں کی محدود سرگرمیوں کی اجازت دی گئی۔
عثمان بزدار کا کہنا تھا کہ کرونا کی صورت حال بہتر ہونے پر بڑے مقابلے کرائے جائیں گے۔
اس حوالے سے وزیراعلیٰ نے مزید کہا کہ پنجاب گیمز کا دوبارہ اجرا پاکستان تحریک انصاف کی حکومت کا اعزاز ہے، کبڈی چیمپئن شپ کے انعقاد سے شائقین کو بہترین کھیل دیکھنے کو ملا ہے۔
ان کا مزید کہنا تھا کہ عالمی اسپورٹس کے ساتھ علاقائی کھیلوں کو بھی فروغ دیا جائے گا۔
