اسلام آباد : نا اہل وزیراعظم نوازشریف کے وکیل خواجہ حارث ایون فیلڈ ریفرنس میں آج غیرملکی گواہ رابرٹ ریڈلی پر دوبارہ جرح کریں گے۔
تفصیلات کے مطابق وفاقی دارالحکومت اسلام آباد میں احتساب عدالت کے جج محمد بشیر آج دوپہر 2 بجے ایون فیلڈ ریفرنس کی سماعت کریں گے۔
غیرملکی گواہ رابرٹ ریڈلی نے گزشتہ روز سماعت کے دوران اپنا بیان قلمبند کرایا تھا جس پر نوازشریف کے وکیل خواجہ حارث نے جرح کی اور آج دوبارہ وہ جرح کریں گے۔
ایون فیلڈ ریفرنس: کیلبری فونٹ کی جعلسازی پکڑی گئی
رابرٹ ریڈلی کا کہنا تھا کہ ونڈووسٹا 31 جنوری 2007 کو کمرشل بنیادوں پر متعارف ہوئی تھی، ایون فیلڈ کی دستاویزات میں تاریخ کو دوہزار چار سے دوہزار چھ کیا گیا ہے۔
غیرملکی گواہ کا مزید کہنا تھا کہ یہ ورژن کیلیبری فونٹ کے استعمال کے لیے نہیں تھا۔
استغاثہ کے دوسرے گواہ اختر راجا کا بیان قلمبند ہونے کے سابق وزیراعظم نوازشریف کے وکیل خواجہ حارث جرح کریں گے۔
نیب کے دوسرے غیرملکی گواہ اختر راجا ہیں جن کا بعد میں بیان قلمبند ہونے کے بعد جرح ہوگی۔
خیال رہے کہ ایون فیلڈ پراپرٹیز ریفرنس میں نا اہل وزیراعظم نوازشریف، ان کی صاحبزادی مریم نواز اور کیپٹن ریٹائرڈ صفدر پرفرد جرم عائد کی جاچکی ہے۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں
