کراچی: سماجی رہنما خرم ذکی کے قتل کیخلاف وزیر اعلیٰ ہاوس کے باہر دھرنا دیا گیا جہاں خرم زکی کی نماز جنازہ بھی ادا کی گئی۔
کراچی میں سماجی رہنما خرم زکی کے قتل کے خلاف اہل خانہ سراپا احتجاج بن گئے مظاہرین نے جنازہ اٹھائے وزیر اعلیٰ ہاؤس کی طرف مارچ کیا اور قاتلوں کی گرفتاری کیلیے نعرے بازی کی ، خرم زکی کی نماز جنازہ بھی دھرنے میں ہی ادا کردی گئی ۔
خرم زکی کے قتل کے خلاف دھرنے میں متحدہ قومی موومنٹ کے رہنما عامر خان،ایم این اے علی رضا عابدی اور دیگر رہنما بھی شریک ہوئے، تاہم نماز جنازہ ادا کرنے کے بعد مظاہرین کی جانب سے دھرنا ختم کردیا گیا۔
دوسری جانب خرم ذکی کے قتل کی ایف آئی آر سر سید تھانے میں درج کردی گئی، مقدمہ میں انسدا د دہشت گردی قتل اقدام قتل کی دفعات شامل کی گئی ہے۔ پولیس نے جائے وقوعہ سے ملنے والے خول تحویل میں لیکر فارنزک لیب بھجوادیئے ہیں جبکہ عینی شاہدین کے بیانات بھی قلم بند کئے گئے ہیں۔
واضح رہے کہ دہشت گردوں نے رات گئے خرم ذکی کو اس وقت نشانہ بنایاجب وہ نارتھ کراچی کےایک ہوٹل میں بیٹھےہوئےتھے۔
0
20
