ملتان سلطانز کے کھلاڑی کامران غلام نے کہا کہ لوگ کہتے ہیں کہ میں اسٹیو اسمتھ کی کاپی کرتا ہوں لیکن میرا یہ ہمیشہ سے اسٹائل رہا ہے۔
پاکستان سپر لیگ کی ٹیم ملتان سلطانز کے کھلاڑی کامران غلام نے میڈیا سے گفتگو میں کہا کہ پی ایس ایل کے دسویں ایڈیشن کے لئے ایکسائٹڈ ہیں اور ٹیم کا مورال بلند ہے۔
کامران نے کہا کہ یہی سوچتے ہیں ٹاپ اسکورر بنے اور پرفارمنس ٹیم کے کام آئے اور ٹیم کو فائنل تک لے جایا جائے، جو ڈومیسٹک میں پرفارم کرتا ہے اس کے لئے انٹرنیشنل لیول پر مسائل نہیں ہوتے۔
کامران غلام کا اسٹیو اسمتھ سے موازنہ
انہوں نے کہا کہ پی ایس ایل کے لئے کراؤڈ کافی آتا ہے لوگ اس کے لئے بے تاب ہوتے ہیں، فینز کو میسج ہے کہ فینز اسٹیڈیم آئیں اور میچز دیکھیں، ہر ٹیم کا الگ ماحول اور الگ انجوائمنٹ ہوتی ہے۔
ملتان سلطان نے کھلاڑی نے کہا کہ پلئیر کو کافی اعتماد ملتا ہے اگر فرنچائز اونر آپ پر بھروسہ کریں، آئی پی ایل سے ہمارا کوئی لینا دینا نہیں، ہمارا سارا فوکس پی ایس ایل پر ہے، پی ایس ایل ہر سال بڑے پیمانے پر منعقد ہوتا ہے۔
کامران غلام نے مزید کہا کہ میں اسٹیو اسمتھ کی کاپی کرتا ہوں لیکن میرا یہ ہمیشہ سے اسٹائل رہا ہے اور جو میرے ساتھ کھیلے ہیں ان کو ہمیشہ سے معلوم ہے کہ میرا یہی اسٹائل ہے۔
