پی ایس ایل 8 کے پہلے میچ کے دوران پارکنگ ایریا میں بھگدڑ مچ گئی۔
اے آر وائی نیوز کے مطابق ملتان سلطانز اور لاہور قلندرز کے میچ کے دوران پارکنگ ایریا میں بھگدڑ مچنے کے نتیجے میں 10 سے زائد شائقین کرکٹ زخمی ہوگئے۔
ذرائع کا بتانا ہے کہ بھگدڑ پولیس اہلکاروں کی جانب سے لاٹھی چارج کیے جانے کے بعد مچی جبکہ ریسکیو اہلکار زخمیوں کو طبی امداد فراہم کررہے ہیں۔
- Advertisement -
واضح رہے کہ ملتان کرکٹ اسٹیڈیم میں کھیلے جانے والے پہلے میچ میں لاہور قلندرز نے ملتان سلطانز کو جیت کے لیے 176 رنز کا ہدف دیا ہے۔
فخر زمان نے شاندار 66 رنز کی اننگ کھیلی جبکہ مرزا بیگ 32 رنز کے ساتھ نمایاں رہے۔
ملتان سلطانز کی جانب سے اسامہ میر اور احسان اللہ نے دو، دو وکٹیں حاصل کیں جبکہ شاہنواز ڈاہانی ایک وکٹ حاصل کرسکے۔
ہدف کے تعاقب میں ملتان سلطانز کی بیٹنگ جاری ہے۔
