The news is by your side.

Advertisement

پی ایس ایل : ملتان سلطان نے لاہور قلندرز کو187رنز کا ہدف دے دیا

لاہور : پی ایس ایل فائیو کے میچ میں ملتان سلطان نے لاہور قلندرز کو جیت کیلئے187رنز کا ہدف دے دیا، خوشدل شاہ نے شاندار بیٹنگ کا مظاہرہ کرتے ہوئے 70رنز بنائے اور ناٹ آؤٹ رہے۔

تفصیلات کے مطابق لاہور کے قذافی اسٹیڈیم میں کھیلے جانے والے پی ایس ایل کے میچ میں لاہور قلندرز نے ملتان سلطانز کو187رنز کا ٹارگٹ دیا ہے۔

ملتان سلطانز نے پہلے بیٹنگ کرتے ہوئے 6 وکٹوں کے نقصان پر 186 رنز بنائے۔ ملتان سلطانز کی جانب سے خوشدل شاہ شاندار بیٹنگ کا مظاہرہ کرتے ہوئے سرفہرست رہے اور انہوں نے 29 گیندوں پر 5 چوکوں اور 6 چھکوں کی مدد سے 70 رنز کی اننگ کھیلی ۔

ان کے علاوہ شان مسعود نے 42 اور روی بوپارہ نے 33 رنز بنائے۔ لاہور قلندرز کی جانب سے شاہین شاہ آفریدی نے دو ، وائس نے دو اور محمد حفیظ نے ایک کھلاڑی کو پولین کی راہ دکھائی۔

لاہور قلندرز کی ٹیم

لاہور قلندرز کے اسکواڈ میں کپتان سہیل اختر ، دلبر حسین ، بین ڈنک ، فخر زمان ، حار ث روف ، جاہد علی ، کرس لین ،محمد حفیظ ، محمد فیضان ، سمت پٹیل ، راجہ فرزان ، سلمان بٹ ، شاہین آفریدی ، عثمان شنواری ، ڈین ویلاس، ڈیوڈ وائس ،پراسانا شامل ہیں۔

ملتان سلطانز کی ٹیم

ملتان سلطانز کے سکواڈ میں کپتان شان مسعود، موئن علی ، اسد شفیق ، فابین ایلن ، بلاول بھٹی ، روی بوپارہ ، عمران طاہر، جنید خان ، خوشدل خان ، وین میڈسن ، محمد الیاس ، محمد عرفان ، روحیل نذیر ، ریلی رسووو، شاہد آفریدی ، سہیل تنویر ، عثمان قدیر ، جیمز وینس، ذیشان اشرف شامل ہیں۔

fb-share-icon0
Tweet 20

Comments

comments

یہ بھی پڑھیں