لاہور: پی ایس ایل 8 کا فائنل کل لاہور قلندرز اور ملتان سلطانز کے درمیان کھیلا جائے گا۔
قذافی اسٹیڈیم لاہور میں محمد رضوان کی ملتان سلطانز اور شاہین شاہ آفریدی کی لاہور قلندرز میں زور کا جوڑ پڑے گا۔ پی ایس ایل کی ٹرافی کونسی ٹیم اٹھائے گی یہ تو کل ہی پتا چلے گا لیکن جیت سے قبل سابق کپتان یونس خان اور وکٹ کیپر بیٹر کامران اکمل نے جیت کی پیش گوئی کردی ہے۔
ملتان سلطانز کی ٹیم نے پہلے کوالیفائر میں لاہور قلندرز کو شکست دے کر فائنل میں جگہ بنائی جبکہ دوسرے ایلیمینٹر میں لاہور قلندرز پشاور زلمی کو شکست دے کر فائنل میں پہنچی ہے۔
اے آر وائی نیوز کے پروگرام ہر لمحہ پرجوش میں یونس خان نے لاہور قلندرز کی جیت کی پیش گوئی کردی ہے جبکہ کامران اکمل کو بھی لاہور قلندرز کی کامیابی یقینی دکھائی دے رہی ہے۔
بڑے ٹورنامنٹ کا بڑا مقابلہ۔۔ ہی ایس فائنل میں ملتان سلطانز اور لاہور قلندرز آمنے سامنے۔۔ کون سی ٹیم ٹرافی اٹھائے گی؟؟ جانیے پیشگوئیاں#ARYNews #HLPJ #HBLPSL8 pic.twitter.com/ycBJCQse8E
— ARY NEWS (@ARYNEWSOFFICIAL) March 17, 2023
دلچسپ امر یہ ہے کہ پی ایس ایل 7 میں بھی یہ دونوں ٹیمیں ہی فائنل میں ٹکرائیں تھی جہاں لاہور قلندرز نے ملتان سلطانز کو42 رنز سے شکست دیکر ٹرافی اپنے نام کی تھی۔