ایچ بی ایل پاکستان سپر لیگ سیزن 8 میں کراچی کنگز نے اپنے اگلے معرکے سر کرنے کے لیے اسلام آباد میں پڑاؤ ڈال لیا ہے۔
اے آر وائی نیوز کے مطابق ایچ بی ایل پاکستان سپر لیگ کے آٹھویں سیزن کے سنسنی خیز مقابلے جاری ہیں اور ابتدائی مرحلے کے 30 میچز میں سے 16 میچز کھیلے جا چکے ہیں جن میں شائقین کرکٹ کو کئی اعصاب شکن مقابلے دیکھنے کو ملے ہیں۔ کئی ریکارڈ بن اور ٹوٹ چکے ہیں۔
کراچی کنگز نے اب اگلے معرکے سر کرنے کے لیے وفاقی دارالحکومت میں پڑاؤ ڈال کیا ہے اور کراچی کے شیر اسلام آباد پہنچ چکے ہیں جہاں وہ اپنے اگلے تین میچز کھیلیں گے۔
- Advertisement -
راولپنڈی اسٹیڈیم میں کراچی کنگز کا پہلا امتحان پشاور زلمی کے خلاف کل ہوگا۔ دونوں ٹیموں نے ایونٹ میں اب تک دو دو میچز جیت رکھے ہیں۔
