لاہور: پاکستان سپر لیگ (پی ایس ایل) کے آٹھویں ایڈیشن کیلئے ٹرافی کی رونمائی کردی گئی۔
ٹرافی کی رونمائی کی تقریب لاہور کے تاریخی شالیمار باغ میں کی گئی ہے جس میں پاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی، فرنچائز مالکان، اعلیٰ عہدداران سمیت شعیب ملک اور شان مسعود بھی شریک ہوئے۔
رپورٹ کے مطابق 25 قیراط سونے اور 9 ہزار 907 زرغون کے نگینے استعمال کیے گئے ہیں جس سے نئی ٹرافی پہلے سے زیادہ دیدہ زیب لگ رہی ہے۔
ٹرافی کے 3 پلرز ہے، یہ پلرز قومی ٹیم کے اتحاد، مضبوطی اور جزذبے کی عکاسی ہیں۔
جبکہ سیزن سیون میں استعمال کی گئی ٹرافی دوبارہ نہیں پیش کی جائے گی اور وہ دفاعی چیمپئن لاہور قلندر کے پاس ہی رہے گی۔
ٹرافی رونمائی کے موقع پر نجم سیٹھی کا کہنا تھا کہ ٹرافی کی رونمائی شالا مار باغ میں اس لیئ کی گئی تاکہ پتا چلے تبدیلی آگئی ہے، اس تاریخی جگہ سے بہتر کوئی اور جگہ نہیں ہوسکتی تھی۔
