شائقین کرکٹ کے لیے آج کا سنڈے بن رہا ہے فن ڈے کیونکہ ایچ بی ایل پاکستان سپر لیگ 8 کے دو میچز کھیلے جائیں گے۔
اے آر وائی نیوز کے مطابق ایچ بی ایل پاکستان سپر لیگ سیزن 8 کے سنسنی خیز مقابلے جاری ہیں۔ آج ایونٹ کے دو بڑے میچز کھیلے جائیں گے جس کے باعث آج کا سن ڈے شائقین کرکٹ کے لیے فن ڈے بن جائے گا۔
کراچی کنگز اپنے ہوم گراؤنڈ پر ملتان سلطانز کی رواں ایونٹ میں پہلی بار میزبانی کرے گی۔ نیشنل اسٹیڈیم میں دونوں ٹیموں کا ٹاکرا دوپہر 2 بجے شروع ہوگا۔
- Advertisement -
آج کا دوسرا میچ دفاعی چیمپیئن لاہور قلندرز کا ہوگا۔ قلندرز اپنے ہوم گراؤنڈ پر پشاور زلمی سے مقابلہ کریں گے۔ قذافی اسٹیڈیم میں یہ میچ شام 7 بجے شروع ہوگا۔
پی ایس ایل 8 کے تمام میچز اے اسپورٹس پر براہ راست دکھائے جا رہے ہیں۔
